ياليتني طفل دايم بوجهي ضحكتي

مـد خ ـل..}

ياليتني طفلة و أشوفه قبالي
ما أركض أقول الوجه لازم أغطيه
و أجلس بجنبه طفلةٍ ما تبالي
و أجر مسباحه و هو داخل ايديه
و أفرح اذا شفته ينادي تعالي
و أفتح له المجلس و أسولف و أقهويه




ياليتني طفل وكلن يداري دمعتي
ومحدٍ يزعلني ولا اصير زعلان

ياليتني طفل واكبر همومي لعبتي
ولا يضيق صدري ولا اكون طفشان

ياليتني طفل بالغصب تمشي كلمتي
واللي يباريني أنا أقول خسران

ياليتني طفل ومحدٍ يقاوم رغبتي
واللي ابيه يصير لو كنت غلطان

ياليتني طفل دايم بوجهي ضحكتي
وأشوف كل الكون أشكال وألوان

ياليتني طفل آمر وأنا في غرفتي
وأشوف كل الكون حاضر وفرحان

ياليتني طفل وأمي تسمّى حجتي
تجيب لي كل شي وأنا دوم طمعان

ياليتني طفل وكلن يصدق كذبتي
لان البراءه فخافقي ماسكه شان

ياليتني طفل ومحدٍ يواخذ زلتي
وأمي تبدّيني على فلان وفلان

ياليتني طفل وترجع خطاوي رحلتي
وماراح أزعل لو تقولون بزران




مـ خ ـرج..}
... يا ليتني طفلة
تدور بفستانها الوردي ...}

عندك حق في كل كلمة قلتيها

شكرا لك على الموضوع الرائع ياقمر

يووووووووووووووه رجعتيلي ذكريات الطفولة

(شقية وعارفة)خخخخخخخخ

مشكورة على الكلام الي زي العسل