:حب وردي: [color=violet]]احبك كثر ما قد صار احبك رغم ما قد صار.
احبك كثر ما دنيا الزعل والصد مهجوره.
احبك كثر ما تمطر بصدري من غلاك امطار.
احبك كثر ما صارت اراضي العشق ممطورة .
احبك كثر ما تفتح شبابيك الربيع ازهار.
احبك كثر ما غنت عشان الصبح عصفورة.
احبك كثر ما تاقف على جنب الطريق اشجار.
احبك كثر ما يقسا الشتاء وتهاجر طيورة.
احبك كثر ما في الارض بنت تلفت الانظار.
احبك كثر ما يرتاح عطر بصدر مغرورة.
احبك كثر ما جاب المساء في معطفه زوار.
احبك كثر ماجانا الصبح يشبهك نوره.
احبك كثر ما تهدي كفوف الوصل من تذكار .
احبك كثر ما شالت يدين العاشق زهوره .
احبك كثر مانقراء عن الفارس عن المغوار.
احبك كثر ما نسمع ولا شفنا ولا أسطوره .
احبك كثر ما تلعب بدنيا العاشقين أقدار .
احبك كثر ما –ذا الحظ يلعن قصوره .
احبك كثر ماعانت رياح بحسبة البحار .
احبك كثر ما البحار يعشق نسمة بحوره .
احبك كثر ما يحلف اللي منشغل بأعذار.
احبك كثر ما في الناس ناس بجد معذورة .
احبك كثر ما ملت قصايدنا من التكرار.
احبك كثر ما الشاعر تمنى حب جمهوره .
احبك كثر ما شفنا على وجه الزمان آثار.
احبك كثر ما قلنا عن الأحوال مستورة .
احبك كثر ما دارت بذهن الحالمين أفكار .
احبك كثر ما في الخير ناس بالخير مذكورة .
احبك كثر ما نرمي حكايات الحطب بالنار .
احبك كثر ما نسمع حكايات حب مشهورة .
احبك كثر ما ضاق السجين بلعنة الأسوار .
احبك كثر ما هاج البحر واجتاحته ثوره .
احبك كثر ما نحتار واحبك كثر ما ننسى .
احبك كثر ما يسهر محب وفي يده صوره .
احبك كثر ما تقطع شفاتك في العسل مشوار .
احبك كثر ما خدك يخلي الشمس مبهورة .
احبك كثر ما روج عليك الحسن من أخبار .
احبك كثر ما صدرك يدوخ الورد بعطوره .
احبك كثر ما في عينك من السحر والأغوار .
احبك كثر ما فيك الغلا ما وقت سطوره .
احبك احبك و لو زماني دار والزمن ساكن .
احبك يا مدينة حب وسط الصدر معمورة .
احبك والتفت لعينك شاعر وأمطرت أشعار .
حلف ما يمسي الليلة قبل ما يكتب شعوره .
ورتبتك بصدري وأنت تستاهل وراعي دار .
تفصل قلب أوراق الغلا ويديك مشكورة .
وذكرتك وأنت لو مثلك ذكرته هلت الأنوار .
وقمت اجمع من أشواقي قصايد عشق منثورة .
تلبست الجمال وقلت ابهديك القصيد أزرار.
غلاك وصدق حبك ماترك لي نفس مكسورة
أنا عاشق جمال وما خفاني في الجمال أسرار .
أنا لا من كتبت أعطيك وأعطي العشق بك دوره .
كتبتك في القصيد أبيات من حسنك عليك تغار .
حروف العشق طفلة في ثياب العيد مسرورة .
لقيتك والدلع والثقل شلة والحسن ثرثار .
يقول أشياء كثيرة للعيون ويثبت حضوره .
كفاية لو تطل ويفرح بطلتك دار و جار .
كفاية لو تشوف الناس في نظرتك مأسورة .
غرامك يغري حروف سقاها الصدق منك أمطار .
كتاباتي بتشهد للغرام وتحفظ عصوره .
احبك مهما ابتعدت عني بسبة الأقدار .
احبك واحبك ولو حبي توصله لك طيوره .
احبك رغم ما قد صار ـ ـ احبك حيل مهما صار .
احبك دام أنا طيب وأراضي العشق ممطورة .
************************[/font]
العمل/الترفيه
موضوع: شعر (أحبك كثر ما قد صار ) 
الخميس مارس 31, 2011 9:38 pm
