متحاولش تبقى حد تاني .. غير نفسك

فعلاً ... متحاولش تبقى أي حد تاني غير نفسك


أحمد مكي فنان عنده رؤية وفكر بيعبر عن الجيل الحالي ، سمعت له اغنية في فيلمه الأخير "طير انت" مع الممثله دنيا سميرغانم
عجبتني جداً كلمات الأغنية ولحنها وتوزيع الراب ميوزيك ده، ولقيتها بتعبر عن حاجات كتير الشباب مفتقدها.
هو ده فعلاً الكلام اللي الشباب محتاج حد ينصحه بيه بلغه قريبه منه .. لغة كووول آخر حاجة !!

(احفظها عندك)

(للاستماع)


(كلمات الاغنيه)

ماتحاولش تبقى أي حد تاني غير نفسك

دور بنفسك جوه نفسك

متكسلش وقوم قلب ودور حتلاقي ميزتك

صدقني حـ .. حـ .. حتلاقي ميزتك

دور بنفسك جوه نفسك

***
متحاولش تبقى حد تاني .. غير نفسك

خليك واثق في نفسك

قوم دور بنفسك جوه نفسك

حتلاقي حاجه محدش فيها ينافسك

***
متحاولش تبقى أي حد تاني غير نفسك

دور بنفسك جوه نفسك

متكسلش وقوم قلب ودور حتلاقي ميزتك

ميزتك في صوتك أو في رسمك

ماتستبعدش تبقى ميزتك حركه بيعملها جسمك

أو فكره فانتاستيك فى مخك

ممكن تكون كمان مميز في الطب أو في الحساب

أو ميزتك نفسك في طبخك

ممكن ميزاتك تطلع فى لوحه أو كتاب

ممكن تكون ميزتك لياقتك

ميزتك إنك قلب ميت تقدر تضرب كل الناس *** بادي جارد

أو تكون ميزتك سياستك

ميزتك إنك رومانسي ومأفور في الإحساس

أو تكون ميزتك فراستك

***
ممكن ميزتك تكون قلب أبيض أو حنون

ممكن تكون ميزتك حماشتك

***
فيه ناس تعرف تفصل لبس الناس بكل إحساس

مهما كات خامة قماشتك

وناس بضربة فاس تحول تربه قلقاس *** أو أناناس

بفضل ربي مش بفضلك

لو في يوم لبست قضيه في ناس ميزتها هي *** هي إيه

ميزتها إنها تجيب براءتك

بس .. ركز فى اللى جاى ... ر ركز

محدش عاجبه حاله وحالة غيره اللي بتحلى له .. دايماً

شرقي بيغرب وأيسر نفسه يبقى .. أيمن

تخين بيخسس والتاني رفيع نفسه .. يتخن

أسمر بيفتح أبيض نفسه يبقى بلاك فحماً

خلف له بنت بيزعل نفسه يخلف واد

آيون .. آيون .. آ يون

إنسان ما بترضى حالك دايما عاجبك حال الغير

مهما تكون حالتك دايما باصص للتغيير

صدقني لو بصيت جواك حتلاقي ياما كتير

قدرات مميزات إن كنت غني أو فقير

متقللش من نفسك ده أنت بنفسك طاقة خير

حتحقق اللي في نفسك وإللي يمسك خليه يطير

إرضى يا يابن آدم باللي إتقسم عليك ولوإني عارفك مش حترضى غير بتراب في عنيك

ربك ميز كل واحد منا بحاجه

فالناس تفضل لبعض دايما محتاجه

دور وإلقى ميزتك حاول حافظ عليها

طورها إتميز بيها حياتك حتلاقيها رايقه وماشيه صح طول ما انت راضي بيها

إرضى بحياتك إنت وإقبلها باللي فيها

ده الرضا نعمه كبيره إحمد ربك عليها

وخدها مني كلمه مافي حاجه بتساويها

حد يترجملي .. بيقول إيه الواد ده ؟

***

أنا اجول لك

عايقول ..متحاولش تبجى حد تاني .. تاني

غير نفسك خليك واثج في نفسك

واو ولا

جوم دور بنفسك جوه نفسك

عاتلاجي حاجه محدش فيها عاينافسك

Say What ? ... Say What ?

واه واه يا ابوي

لومالكش عازه مكنتش إتخلقت

ولا إتحسبت مالناس ولا إترزقت

ميرسي حياتي على المرور العطر

موضوع رائع مشكورة