لك الله يا جدَّه / عروس .. اصْبَحَتْ جِدَّه

مسّهم بالخير جميع
قصيدة رآقتنى اتمنى تنآل رضآكم !




مايصير ..
ليه نكره ه/ المطر
ريحته .. ريحة عطر ..
كل شهيد وكل شهيده من عبيده
ريحهم .. ريحة عطر
ما يصير ..
خلوا المسؤول يفرح ..
شفتوا الضحكه على وجه الوزير ؟
شي مثير !
ما يحس بروح انثى قطعت ثوب الستر ..
شقت ثيابه تصيح ..
ماتت امه ..
ماتوا الجيران ولا بقت اختٍ تضمَّه ..
خلوا المسؤول يتفرَّج عليها ..
اش/ يهمَّه ..
حتى لو تغرق امامه ..
ما سأل كيف القيامه ..؟
وكيف لامنَّه وقف يوم الحساب ..
مايهاب ؟
لا وربي ما يهاب ..
ما يخاف ولا يحس يوم بعذاب ..
شي مثير ..
خلوا المسؤول يفرح
ما يصير ..
جده اكبر من حكاوينا هنا ..
جده اعظم من دموع الشعب ..
وآهات العنا ..
جده لو صاحت تبي قارب نجاة ..
اش/ بيدينا والبلا .. منَّا .. وفينا ..
ما يصير ..
وكل سرقات الوطن بانت لنا ..
جده اكبر من شعر
جده انبل من سواد قلوبهم / سرقاتهم /
ريحة الموت بشواطيها عطر ..
جده.. اكبر من حدود الموت فيها
لا غفت عين الضمير ..
شي مثير ..

(( أَصْبَحَتْ جِدَّه ْ))

لك الله يا جدَّه / عروس .. اصْبَحَتْ جِدَّه
........................عَلاَ وجْهَها الأبْيَض سُواد العَبَثْ والزور

بِكَتْ حَظَّها العَاثِر .. ونامَتْ على الشِّدَّه
........................كِحِل عينها الأَسْوَدْ حَجَبْ ضَيَّها والنُّور

عَمَتْ عِينْ مِعْمِيها .. وَلاَ حَسْ بَالعِدَّه
........................يُمُرّْ الزمَنْ يَضْحكْ عَليها بْ/لاَ دسْتُور

صَرَخْ داخِلَه أُنْثى .. تشيل الجِثَثْ مُدَّه
........................مِن الْعَام شَالتها ..علَى كَتْفها المَقْهُور

رِيَاح الْعَبَثْ هبَّتْ ورِيح المطَرْ رَدَّه
........................تشِمْ العَفَنْ / تَبكي / ولاَ يِخْتفي مَسْتور

سَرَق ليِلَها الظَّالم / تَعَطَّرْ عَلى نِدَّه
........................رُمَى ثُوبْ عِفَّتْها / كِشَفْ سِتْرها مَغْرور

عَرُوسْ البَحَرْ نَامَتْ .. كِفَنْها عَلى يَدَّه
........................غَفَتْ عِينَها تَبْكي وضميرْ الوطَن مَسْرور

لِك اللهْ يَا جِدَّه .. ولا بَيَّحت سَدَّه
........................سَرَقْها وعَرّاها .. غَرَق قَلبها المَكْسُور !!




لـ / الشاعره غنج نجد !

.

اعجبتني القصيدة كثيرا ياالغالية مشكوورة ودمتي لنا بتالقكي

تسلم الايادي
ودام تميزك
والعوض على الله
ماتحرمينا من جديدك
شكرا لك