كلمات باللهجة الجزائرية...عمر راسك

عدلت روحها.. سشورت شعرها ..لبست غير الماركا
ساعتين قدام لمراية ..لاماش يا ديرها هكا.. ولا تديرها هكا
***
الماكياج ماخلاتش وبورتابل في يد والصاك في اليد الخرى
وراحت سي لاّلاّ تمشي خطوة خطوة وتتمايل كي لفعة الصحرا
***
ما تسمع غير صوت الطالو يخبط
مع تشوفها ياخويا مورالك يهبط
***
ديراكتمو تلاقاها عند صاحبها فرحانة
وتبدا تتبسم وتهّبط راسها زعما حشمانة
***
كلمة من عندها وكلمة من عندو وهوما ماشيين
والوقت يفوت وهوما موش حاسين
***
قاتلو سميرو اذا تحبني قولها
المسكين بالاك ماكملش البريمار وقالها {ها}

***
قاتلو بلا ما تتمسخر أزرب قولي قبل مايخرج بابا وهذيك الساعة واحد مايفريها
قالها ماتخافيش كان يشوفنا نقولو بلي راني خوها

***
ومبعد حاب يكون رومانسي وشاف وردة عطاهالها
***
قاتلو وهي حشمانة من قلبك؟
قالها لالا من الجنان الي قدامك
***
سكتت ومبعد قاتلو قولي 3كلمات كلمة تخلي قلبي يحبس
قالها باباك مورانا
***

و كلمة تخرق قلبي
قالها مسمار
***
وكلمة تهزني الفوق وماتهبطنيش
قالها بيان سير خيط تريسيتي يخبطك وماتفيقيش
***
زعفت وقاتلو خلاص ماتهدرش معايا
قالها شوفي عندي يا بايا
***
وسكت شوي قالها واو نشوف الدنيا في عينيك
فات عليهم شيخ كبير قالو : شوف تعيش بالاك تلقاري حماري الله يرحم والديك
***
صمطوه ورجعو لحكاياتهم
قالها حقا عجبك الكادو نتاعي
***
قاتلو القورمات جاتني بصح المناقش كبار عليا
ضرك نرجهوملك باه يفكروك بيا
قالها في قلبو : الناس يمشيو مع البنات ونا نمشي مع المهرجات
***
وفي نفس الوقت هي قالت في بالها: البنات يمشيو مع سيد الرجالة ونا نمشي مع سيد الجهالة

عجبتني بزاااااااف الكلمات سيرتو هادي

البنات يمشيو مع سيد الرجالة ونا نمشي مع سيد الجهالة

ربي يخلليكي حنونة دايما مميزة
[ندعوك للتسجيل في المنتدى أو التعريف بنفسك لمعاينة هذه الصورة]

تسلمي على المرور يا الغلا

كتيييييييييييير حلوة يسلمو [ندعوك للتسجيل في المنتدى أو التعريف بنفسك لمعاينة هذه الصورة]

شكرا حبيبتيييييييييييي

هههه وي كلمات فوووووررر مرسيييي

العفو حبيبتي مسرورة لانها اعجبتك

كلمات شابة بزاف يعطيك الصحة

الله ايسلمك تسلمي على المرور

THANK YOU HANY

شكرا لك الله قصة رائعة

سيرتو كي قالها باباك رانا ههههههههههههههه

هههههههه تسلمي مسرورة لانها اعجبتك