crazy yousra عضوة مبدعة
مادتك المفضلة : الانجليزية mms : لونك المفضل : المزاج : الجنس : عدد المساهمات : 2018 نقاط : 7560 تاريخ التسجيل : 28/12/2010 العمر : 27 الموقع : بومرداس العمل/الترفيه : الاستماع للموسيقى و مشاهدة الافلام
| موضوع: للاحبة والاصدقاء ولكل عاشق ولهان كلمات في صميم القلب باللهجة نتاع بلادي الأربعاء مايو 18, 2011 1:51 am | |
| للاحبة والاصدقاء ولكل عاشق ولهان كلمات في صميم القلب باللهجة نتاع بلادي
يا للي سألتني عن الحب = و قلتلي بالله خويا وعلاه ما تحاولش كاش ما تكتب = وتقولي برك وين نلقاه عييت نقلب شرق و غرب = وين يقولولي نستناه لقيتو كامل كذب في كذب = ما تلاقيتو ماعرفت معناه لا قريب و لا صاحب = و لا حبيب نعيش معاه حياتي كامل و أنا نجرب = واحد ما لقيتو يسواه مانيش فاهم هذا القلب = و كأنه ضد مولاه يحب يشقى يحب يتعذب = يحب الواحد لي ينساه و ساعات تلقاني نحب = لي يكرهني نجري موراه و لي يحبني و ليا يقرب = نهرب عليه مافهمتش علاه حاول خويا كاش ماتكتب = الجواب راني نستناه راح نحاول باش نجاوب = و ماراكش وحدك حاصل لله هو الحب هكذا يحب = يجري و يطوع مولاه مايفيدوش معاه تجارب = ما يفيد ملك و لا جاه شحال طوع من محارب = و حسرة شحال من فارس بكاه و جيت لعندي أنا نجاوب = و الله ماراني فاهم علاه راح نديرلك واش راك تطلب = على ما نظن و العلم لله أنت قلبك راه مخرب = و ما راكش عارف حتى وين راه دير في بالك هذاك الحب = لي يهرب و أنت تجري موراه و لما يجري و أنت تهرب = عمرك ماتقعد معاه على خاطر هذا لعب = مديور للي يتبع هواه ما تنال منو غير التعب = ديرو كيما خيالك و انساه فرغ قلبك و عاود رتب = و خلي عقلك يخدم معاه و قبل ما تحب لازم تحسب = باش كي تمدو تمدو لمولاه هيا نبداو من أول حب = ….أول حب هو الله لي عطاك هذاك القلب = لي راك تحوس باش تملاه و لوكان ليه تقرب = أقرب منك رايح تلقاه ماشي كيما الحب لي يهرب = و انت تبقى تجري موراه و بعده يجي ثاني حب = هو حبيبنا و حبيب الله عليه الصلاة و السلام تعب = باش وفرلك الدين تقراه حبو علي و عليك واجب = سعدو المرء للي بغاه المرء يحشر مع من يحب = تخيل روحك قاعد معاه و من بعد ثالث حب = أنه الواحد يحب يماه تسع شهور و هو يتقلب = و هي مسكينة تتقلب معاه سنين و سنين و هي تتعذب = وين يطيح يلقاها حداه حتى نهار يولي شايب = يبقى طفل في عيون يماه و من بعدها رابع حب = أنو الواحد يحب باباه لأنه خرج من بين الصلب = و الترائب لي جواه شحال شقا و شحال تعذب = باش كبر و باش رباه دير في بالك كل ما تمد = أنت و مالك ملك له و من بعد خامس حب = هو الشريك لي تعيش معاه دير في بالك نهار تتحاسب = نصف الدين هو تلقاه تعيش معاه بلي كتب = و تتقاسمو كل شي نتا وياه و تتعاشرو و معاه تنجب = طفل صغير لعقايب تلقاه و هذاك الطفل سادس حب = ماتحبش ولد دون سواه سبعة داعب و سبعة أتعب = و سبعة صاحب دور معاه و من بعد يجي سابع حب = من رحم واحد نتا وياه خوك خوك لايغرك صاحب = حتى الصاحب في الشدة تلقاه و من بعد الصاحب الأقارب = و الجار لي تسكن حداه و من بعدهم تقدر تحب = كل مومن في طريقك تلقاه و المريض لي راه يتعذب = دقيقة واحدةاقسمها معاه طل عليه إذا كان تحب = ربي سبحانه ثم تلقاه و اليتيم لي فقد الأب = ولا حتى فقد يماه مسح على راسو و بدا تحسب = في كل شعرة أجر تلقاه و الفقير للي ما كسب = و لي ما لحق حتى قوت عشاه واش راك تاكل واش راك تشرب = يالوكان خبزة اقسمها معاه و زيد و زيد و لوكان نحسب = ما نيش رايح نحبس لله يا لي مبحر شرق و غرب = و مخلي كلشي موراه و يا لي سألتني عن الحب = بالنسبة لي هذا معناه و إذا ما عجبكش الله غالب = روح تحوس وين تلقاه ارجو انها نالت اعجابكم لا تبخلوا عليا بالرد | |
|
همس الورد المديرة
مادتك المفضلة : الرسم mms : لونك المفضل : المزاج : الجنس : عدد المساهمات : 11947 نقاط : 30816 تاريخ التسجيل : 16/04/2009 العمر : 28 الموقع : في قلوب احبابي العمل/الترفيه : الرسم
| موضوع: رد: للاحبة والاصدقاء ولكل عاشق ولهان كلمات في صميم القلب باللهجة نتاع بلادي الأربعاء مايو 18, 2011 1:58 pm | |
| خاطرة جد رائعة و متميزة حقا
شكرا لك على الافادة و على المتعة التي عيشتينا بها | |
|
imilly عضوة مطرودة
مادتك المفضلة : الرسم mms : لونك المفضل : المزاج : الجنس : عدد المساهمات : 1534 نقاط : 6785 تاريخ التسجيل : 10/11/2010 العمر : 25 الموقع : http://morahikate.allahmountada.com/ العمل/الترفيه : هنآك آناس تجعل للحيآةة [ طعم آخر ] . . فآبحثوا عنهم جيدآ ، ♥
| موضوع: رد: للاحبة والاصدقاء ولكل عاشق ولهان كلمات في صميم القلب باللهجة نتاع بلادي السبت مايو 21, 2011 3:26 pm | |
| | |
|
ஜاسيرة الحبஜ قاضة المنتدى
مادتك المفضلة : الفرنسية mms : لونك المفضل : المزاج : الجنس : عدد المساهمات : 4520 نقاط : 9949 تاريخ التسجيل : 20/12/2010 العمر : 25 الموقع : في عالم الظلام اسيرة العمل/الترفيه : طالبة مجتهدة
| موضوع: رد: للاحبة والاصدقاء ولكل عاشق ولهان كلمات في صميم القلب باللهجة نتاع بلادي السبت مايو 21, 2011 3:42 pm | |
| | |
|
crazy yousra عضوة مبدعة
مادتك المفضلة : الانجليزية mms : لونك المفضل : المزاج : الجنس : عدد المساهمات : 2018 نقاط : 7560 تاريخ التسجيل : 28/12/2010 العمر : 27 الموقع : بومرداس العمل/الترفيه : الاستماع للموسيقى و مشاهدة الافلام
| موضوع: رد: للاحبة والاصدقاء ولكل عاشق ولهان كلمات في صميم القلب باللهجة نتاع بلادي السبت مايو 21, 2011 5:39 pm | |
| عفوا حبيباتي تسلمو على المرور الذي عطر صفحتيييييييييييييييي | |
|